1.- DATA eta LEKUA

Gipuzkoako Mendizale Federazioaren XXXIV. Mendizale Helduen Ibilaldia 2020ko URRIAREN 25ean ospatuko da Mutrikun (Gipuzkoan).

Irteera goizeko 8:00etatik 8:30ra bitartean izango da Txurruka Plazatik.

2.- IBILBIDEA

Ibilbideak 15km inguruko luzera izango du eta berau burutzeko 4 ordu eta erdiko iraupena aurreikusten da.

Mutriku→Ondabarro→Ibiri→Abeletxe→Arnoko(kurutzea)→Bandera→Kanpanzar→Ormola→Apain→Kalbaixo→San Juan→Talaixa→Alkolea→Mutriku.

Ibilbidea behar bezala seinaleztatuta egongo da, kartel adierazleekin eta ageriko baliza-zintekin.

3- PARTE-HARTZEA

Ibilaldian parte hartzea, mendizale federatuentzat aurreikusita dago, hortaz inskripzioa doakoa izango da hauentzat. Mendizale ez federatuak berriz 5€ ordaindu beharko dute.

4.- IZEN-EMATEA

Izen-emateak www.burumendi.org web orrialdean egingo da. Urriaren 1etik - 20ra bitartean..

Mendizale ez federatuek diru sarrera ondorengo kontuan egin beharko dute. Ordainketa agirian parte-hartzailearen izen-abizenak azaldu beharko dira

KUTXABANK  ES16 2095 5056 12 1067447648

Epez kanpo ez da izen-ematerik onartuko.

Parte hartzaile guztiek ANEXO_IV_A.pdf dokumentua beteta eta sinatuta entregatu beharko dute ibilaldiaren aurretik irteera gunean.

5. OSASUN-LAGUNTZA

Antolakuntzak sorospen eta salbamendu-zerbitzuak atonduko ditu ibilbideko puntu estrategikoenetan.

6. SEGURTASUNA

Antolakuntzak, aurretik Ibilaldiko Batzordearekin hala adostuz gero, proba ordezko ibilbidetik desbideratzeko, beharrezkotzat jotzen dituen aldaketak egiteko eta, eguraldiak hala eskatzen badu, proba bertan behera uzteko eskubide osoa izango du.

Covid-19a dela eta, antolakuntzak segurtasun protocolo zorrotz bat osatu du, eta hartu beharreko segurtasun neurriak zeintzuk diren partehartzaileei uneoro azalduko zaizkie.

7. LAGUNTZA EZBEHARRETAN

Parte-hartzaileek betekizun izango dute istripuren bat izan duen edonor laguntzea eta antolatzaileei edozein ezbeharren berri ematea.

8. ERANTZUNKIZUNA

Antolakuntzak erantzukizun oro ukatuko du istripuren bat gertatuz gero  zabarkeriaz edo fede txarrez jokatzen bada; baita parte-hartzaileen objetu pertsonalei dagokienean ere. Horrela bada, parte-hartzaileek izango dute euren buruari edota hirugarren pertsonei eragindako kalte ororen erantzukizuna.

9. ARGAZKIAK

Antolakuntzak eskubide osoa du ibilaldian zehar ateratako argazki guztiak,proba bera ezagutzera emateko erabiltzen diren hainbat hedabideetan erabiltzeko (kartelak,triptikoak,prentsa oharrak..)

---

Deskargarako dokumentuak:

ANEXO_IV_A.pdf